खाना पकाउने ग्यासको अभावविरुद्ध सिंहदरबारको गेटमा प्रदर्शन

बजारमा खाना पकाउने ग्यासको चरम अभाव भएपछि बुधबार सिंहदरबारको मुख्य गेट अगाडि विरोध प्रदर्शन गरिएको छ। प्रदर्शनकारीहरूले ग्यासको सहज आपूर्तिको माग गर्दै सरकारविरुद्ध नाराबाजी गरेका थिए। ग्यास अभावका कारण सर्वसाधारणको दैनिक जीवन कष्टकर बनेको भन्दै उनीहरूले सरकारको ध्यानाकर्षण गराएका हुन्। प्रदर्शनका क्रममा सिंहदरबार आसपासको सुरक्षा व्यवस्था कडा पारिएको थियो।