उपसभामुख रुवी कुमारी ठाकुरद्वारा रसुवाका बाढीपीडितलाई एक महिनाको पारिश्रमिक सहयोग

प्रतिनिधिसभाकी उपसभामुख रुवी कुमारी ठाकुरले रसुवाको भोटेकोशी नदीमा आएको बाढीबाट प्रभावित नागरिकहरूको राहत र पुनःस्थापनाका लागि आफ्नो एक महिनाको पारिश्रमिक सहयोग गर्ने निर्णय गर्नुभएको छ। उहाँले उक्त रकम जम्मा गर्न संघीय संसद् सचिवालयको प्रशासन शाखालाई निर्देशन दिनुभएको छ। यस सहयोगले बाढीका कारण समस्यामा परेका स्थानीय बासिन्दाहरूलाई राहत पुग्ने अपेक्षा गरिएको छ।