चुरे संरक्षणमा सरकारको बेवास्ताप्रति विज्ञहरूको चिन्ता

चुरे क्षेत्रको संरक्षणमा सरकारले चासो नदेखाएको भन्दै विज्ञहरूले चिन्ता व्यक्त गरेका छन्। तीन वर्षअघि सरकारले चुरे क्षेत्रका नदीहरूबाट ढुंगा, गिटी र बालुवा उत्खनन गरी भारतलाई बेच्ने योजना अघि सारेपछि यसको तीव्र विरोध भएको थियो। संरक्षणविद्हरूका अनुसार सरकार चुरेको वातावरणीय सुरक्षाभन्दा प्राकृतिक स्रोतको दोहनमा बढी केन्द्रित देखिएको छ।