पाँचथरमा श्रीमानको हत्या गरी आत्महत्याको रूप दिन खोज्ने आमाछोरा पक्राउ

पाँचथरको मिक्लाजुङ गाउँपालिका-३ मा आफ्नै श्रीमानको हत्या गरी आत्महत्याको रूप दिन खोज्ने ४३ वर्षीया महिला र उनका १७ वर्षीय छोरालाई प्रहरीले पक्राउ गरेको छ। हत्यापछि शव फालेर घटनालाई आत्महत्या देखाउन खोजेको आरोप उनीहरूमाथि लागेको छ। जिल्ला प्रहरी कार्यालय पाँचथरले शङ्कास्पद मृत्युको अनुसन्धानपछि आमा र छोरा दुवैलाई नियन्त्रणमा लिएको हो।