रसुवाका सडकविहीन बस्तीमा ड्रोनमार्फत राहत र अत्यावश्यक सामग्री ढुवानी

रसुवाका सडक सञ्जाल नपुगेका दुर्गम बस्तीहरूमा औषधि, ग्यास र खाद्यान्न जस्ता अत्यावश्यक सामग्री पुर्‍याउन ड्रोनको प्रयोग सुरु गरिएको छ। आमाछोदिङमो गाउँपालिकाको आकाशमा राहत सामग्री बोकेर उडिरहेका ड्रोनहरू अहिले स्थानीयका लागि नयाँ सारथी बनेका छन्। पहिले मानिस, घोडा र खच्चडमार्फत ढुवानी गरिने सामान अहिले प्रविधिको प्रयोग गरी छिटो र सहज रूपमा पुग्न थालेपछि स्थानीय बासिन्दा उत्साहित भएका छन्।