वीरगञ्जमा स्रोत नखुलेको ४ लाख ५० हजार भारतीय रुपैयाँसहित भारतीय नागरिक पक्राउ

वीरगञ्ज महानगरपालिकाको रजतजयन्ती चोकबाट प्रहरीले स्रोत नखुलेको ४ लाख ५० हजार भारतीय रुपैयाँसहित ५५ वर्षीय भारतीय नागरिक अशोक कुमारलाई पक्राउ गरेको छ। जिल्ला प्रहरी कार्यालय पर्साका प्रहरी नायब उपरीक्षक चक्रबहादुर मल्लका अनुसार भारतको मोतिहारी घर भएका कुमारलाई शनिबार नियमित सुरक्षा जाँचका क्रममा पक्राउ गरिएको हो। बरामद गरिएको रकमको स्रोत नखुलेकाले उनीमाथि थप अनुसन्धान भइरहेको प्रहरीले जनाएको छ।