हिमालयमा बढ्दो जलवायु जोखिम न्यूनीकरणका लागि नेपाल-चीन सहकार्यमा झलनाथ खनालको जोड

पूर्वप्रधानमन्त्री झलनाथ खनालले हिमालय क्षेत्रमा बढ्दो जलवायु जोखिम न्यूनीकरणका लागि नेपाल र चीनबीच सीमापार सहकार्य आवश्यक रहेको बताउनुभएको छ। 'फाउण्डेसन फर पिस, डेभलपमेन्ट एण्ड सोसलिजम' द्वारा आयोजित 'काष्ठमण्डप डायलग' को तेस्रो शृङ्खलालाई सम्बोधन गर्दै उहाँले विश्वव्यापी तापमान वृद्धिका कारण हिमालहरू गम्भीर रूपमा प्रभावित भएको उल्लेख गर्नुभयो। उहाँले हिमाली क्षेत्रको जोखिम कम गर्न क्षेत्रीय तथा विश्वव्यापी सहकार्य अपरिहार्य रहेकोमा जोड दिनुभयो।