सांसद राजीव खत्रीको पत्रकारविरोधी अभिव्यक्तिप्रति नेपाल पत्रकार महासंघको आपत्ति

राष्ट्रिय स्वतन्त्र पार्टीका प्रतिनिधिसभा सदस्य राजीव खत्रीले पत्रकारलाई ‘असनको साँढे’ भनी गरेको अभिव्यक्तिप्रति नेपाल पत्रकार महासंघले आपत्ति जनाएको छ। महासंघले प्रेस विज्ञप्तिमार्फत असोज १४ गतेको प्रतिनिधिसभा बैठकमा खत्रीले गरेको अभिव्यक्ति पत्रकारिता क्षेत्रको अपमान हुने खालको भन्दै तत्काल क्षमा याचना गर्न माग गरेको छ। खत्रीले प्रेस काउन्सिलका अध्यक्षलाई झ्यालबाट टिपेर फ्याँक्ने धम्की पत्रकार महासंघका नेताहरूले दिएको आरोप लगाउँदै उनीहरूलाई पत्रकार हुन् कि गुण्डा भनी प्रश्न गरेका थिए।