रुपन्देहीमा दुई किलोभन्दा बढी सुनका गहना सहित एक महिला पक्राउ

रुपन्देहीको सिद्धार्थनगर नगरपालिका–१ स्थित सीमा चेकपोस्टबाट बुधबार राति काठमाडौं महानगरपालिका–१९ की ४६ वर्षीया इला पटेललाई सुनका गहनासहित पक्राउ गरिएको छ। नेपाल न्युजका अनुसार सुरक्षाकर्मीले २.६०५ किलोग्राम सुनका गहना बरामद गरेका छन् भने अनलाइनखबरले सशस्त्र प्रहरी बल नेपालका उपप्रवक्ता डीएसपी शैलेन्द्र थापाको जानकारीमा एक किलोग्राम सुनका गहना बरामद भएको जनाएको छ। विशेष सूचनाका आधारमा सशस्त्र प्रहरी बल नेपालका डीएसपी गोपीकृष्ण भट्टराईको नेतृत्वमा संयुक्त टोलीले उनलाई पक्राउ गरेको हो।