निर्माणाधीन १२ प्रसारण लाइनको अवरोध हटाउँदै ऊर्जा मन्त्रालय

ऊर्जा, जलस्रोत तथा सिँचाइ मन्त्रालयले देशभर निर्माणाधीन प्रसारण लाइनको निर्माण कार्यमा देखिएका अवरोध हटाउन अन्तरमन्त्रालय समन्वय सुरु गरेको छ। ऊर्जामन्त्री विराजभक्त श्रेष्ठले ऊर्जा प्रणालीको मुख्य आधार राष्ट्रिय प्रसारण लाइनलाई बलियो बनाउने उद्देश्यले निर्माणाधीन प्रसारण लाइनको काम समयमै सम्पन्न गर्न अवरोध हटाउन पहल लिएका छन्। निर्माणका क्रममा वन र सडक विभागसँग सम्बन्धित समस्या देखिएपछि मन्त्रालयले आयोजना प्रमुखसँग छलफल गरी कामलाई गति दिने जनाएको छ। निर्माणाधीन १२ प्रसारण लाइन आयोजनाको काम यसै वर्ष सकिने लक्ष्य राखिएको छ।