दोलखा र धनकुटामा सामुदायिक कुकुरको बन्ध्याकरण तथा रेबिजविरुद्ध खोप अभियान

विश्व रेबिज दिवसको सन्दर्भमा दोलखाको भीमेश्वर नगरपालिकाले नेपाल एनिमल वेलफियर एण्ड रिर्सच सेन्टरको प्राविधिक सहयोगमा सामुदायिक कुकुरहरुको बन्ध्याकरण तथा रेबिजविरुद्धको खोप अभियान सञ्चालन गरेको छ। सप्ताहव्यापी सो शिविरमा एक सय ४० कुकुरको बन्ध्याकरण गरी रेबिजविरुद्धको खोप लगाइएको छ। यसैगरी धनकुटा नगरपालिकाले बजार क्षेत्रका सामुदायिक कुकुरलाई लक्षित गरी बन्ध्याकरण तथा रेबिजविरुद्धको खोप अभियान सुरु गरेको छ। दुवै अभियानको उद्देश्य सामुदायिक कुकुरको संख्या नियन्त्रण गर्नु र रेबिज रोग रोकथाम गर्नु हो।