बाढीपहिरोले क्षतिग्रस्त सडक पुनःसञ्चालनका लागि मुख्यमन्त्री पाण्डेद्वारा संघीय सरकारसँग स्रोत माग

गण्डकी प्रदेशका मुख्यमन्त्री सुरेन्द्रराज पाण्डेले बाढीपहिरोबाट भएको क्षतिको पुनर्निर्माण तथा पुनस्र्थापनाका लागि आवश्यक स्रोत व्यवस्थापन गरिदिन संघीय सरकारको ध्यानाकर्षण गराउनुभएको छ। उहाँले असोज ९ देखि ११ गतेसम्मको बाढीपहिरोबाट क्षतिग्रस्त राष्ट्रिय राजमार्ग तथा रणनीतिक सडक तत्काल सञ्चालनमा ल्याउन पनि संघीय सरकारसँग स्रोत व्यवस्थापन गर्न आग्रह गर्नुभएको छ। दशैंअघि सडक खुलाउने लक्ष्यसहित पोखराबाट असोज १७ गते यी आग्रह गरिएका हुन्।