सूचना चुहावटको आरोपमा एपीएफ एआईजी बंशीराज दाहाल निलम्बित

गृह मन्त्रालयले सुरक्षा सम्बन्धी संवेदनशील सूचना चुहावट गरेको आरोपमा सशस्त्र प्रहरी बलका अतिरिक्त महानिरीक्षक (एआईजी) बंशीराज दाहाललाई असोज ५ गते निलम्बन गरेको छ। सशस्त्र प्रहरी बलले व्यावसायिक आचरणविपरीत गोप्य सुरक्षा सूचना चुहावट गरेको आरोप लगाउँदै दाहालविरुद्ध कारबाहीको सिफारिस गरेपछि मन्त्रालयले यो निर्णय गरेको हो। मन्त्रालयले काठमाडौंमा जारी गरेको विज्ञप्तिमा निलम्बनको जानकारी दिइएको छ।