जलवायु परिवर्तनमा नेपाल, भारत र चीनबीच संयुक्त संयन्त्रको सुझाव

भारतीय प्राध्यापक अनिलकुमार मोहपात्राले जलवायु परिवर्तनको असर न्यूनीकरण तथा नियन्त्रणका लागि नेपाल र भारतबीच समन्वयात्मक सहकार्य हुनुपर्ने बताएका छन्। उनले चीनसमेत समेटिएको संयुक्त त्रिपक्षीय संयन्त्रको पनि सुझाव दिए। काठमाडौँमा भारतीय सांस्कृतिक सम्बन्ध परिषद् र त्रिभुवन विश्वविद्यालयस्थित नेपाल र एसियाली अनुसन्धान केन्द्र (सिनास) द्वारा आयोजित अन्तरक्रिया कार्यक्रममा उनले यस्तो धारणा राखेका हुन्। जलवायु परिवर्तन साझा सरोकारको विषय भएकाले संयुक्त संयन्त्रमार्फत काम गर्नुपर्ने उनको भनाइ छ।