त्रिभुवन विश्वविद्यालयले सातै प्रदेशमा दीक्षान्त समारोह गर्ने

त्रिभुवन विश्वविद्यालयले यस वर्ष सातै प्रदेशमा दीक्षान्त समारोह आयोजना गर्ने भएको छ । आगामी पुसमा हुने उक्त समारोहमा यस वर्ष सबैभन्दा बढी व्यवस्थापन संकायका विद्यार्थी दीक्षित हुनेछन् । विश्वविद्यालयको ६७औँ वार्षिक दिवस बैठकमा रजिस्ट्रार डा. रवीन्द्र अधिकारीले ६४औँ ग्रेसलिस्टसम्बन्धी तथ्यांक प्रस्तुत गर्दै १ असार २०८२ देखि २०८३ असार मसान्तसम्म विभिन्न तह उत्तीर्ण गरेका कुल ९५ हजार ५४० विद्यार्थी दीक्षान्तका लागि योग्य रहेको जानकारी दिनुभयो ।