दशैं बिदामा पनि काठमाडौं जिल्ला अदालत खुला रहने

काठमाडौं जिल्ला अदालतले शुक्रबार सूचना जारी गर्दै असोज २५ गतेदेखि कात्तिक ८ गतेसम्म पर्ने दशैं बिदाको अवधिमा पनि अत्यावश्यक सेवा सञ्चालन गर्न अदालत खुला रहने जनाएको छ। अदालतका अनुसार घटस्थापना, शनिबार, फूलपाती र विजयादशमीका दिनबाहेक तोकिएका कार्यदिनमा बिहान ११ बजेदेखि दिउँसो ३ बजेसम्म सेवा उपलब्ध हुनेछ। यस सम्बन्धमा अदालतले सार्वजनिक सूचना जारी गरेको छ।