काठमाडौं म्याराथन सुरक्षित र व्यवस्थित बनाइने

काठमाडौं उपत्यका ट्राफिक प्रहरी कार्यालयले यही असोज २४ गते शनिबार हुने काठमाडौं म्याराथनलाई सुरक्षित, व्यवस्थित र भव्य बनाउन विशेष ट्राफिक सचेतना तथा सडक सुरक्षा योजना अघि सारेको छ। म्याराथनमा ठूलो सङ्ख्यामा धावक, दर्शक तथा सर्वसाधारणको सहभागिता हुने भएकाले प्रतियोगिता हुने सडकमा सवारी आवागमन प्रभावित हुनसक्ने ट्राफिक प्रहरीले जनाएको छ। सडक प्रयोगकर्तालाई ट्राफिक नियम पालना गर्न आग्रह गरिएको छ।