नेपाली निर्देशक डा. कपिल रिजाललाई अन्तर्राष्ट्रिय उत्कृष्ट निर्देशक अवार्ड

नेपाली चलचित्र ‘गौथली’ का निर्देशक डा. कपिल रिजालले अन्तर्राष्ट्रिय चलचित्र अवार्ड जितेका छन्। फ्रान्समा आयोजित रेड मुभी अवार्ड्स २०२६ को अटुमन एडिसनमा उनी पुरुषतर्फ ‘बेस्ट डाइरेक्टर’ विधामा विजेता बनेका हुन्। अवार्डको आधिकारिक वेबसाइटमा प्रकाशित विजेता सूचीअनुसार डा. रिजालले ‘गौथली’ का लागि उक्त अवार्ड प्राप्त गरेका छन्। यो उपलब्धिले अन्तर्राष्ट्रिय प्रतिस्पर्धामा नेपाली चलचित्र क्षेत्रको प्रतिष्ठा थप उँचो बनाएको छ।