दक्षिण सुडानको संयुक्त राष्ट्र शान्ति मिसनमा २०३ नेपाली शान्ति सैनिक खटिए

संयुक्त राष्ट्र संघको शान्ति स्थापना मिसनमा खटिएको नयाँ गोरख बटालियनको १५औँ कन्टिन्जेन्टलाई प्रतिस्थापन गर्न नारायणदल बटालियनको १६औँ कन्टिन्जेन्टका २०३ जना शान्ति सैनिक दक्षिण सुडानतर्फ प्रस्थान गरेका छन्। नेपाली सेनाको जनसम्पर्क तथा सूचना निर्देशनालयका अनुसार मिसनमा कार्यकाल पूरा गरेका २०४ जना नेपाली शान्ति सैनिक स्वदेश फर्किएका छन्। संयुक्त राष्ट्र संघको शान्ति स्थापना कार्यका लागि गरिएको आह्वानअनुसार यो प्रतिस्थापन गरिएको हो।