गण्डकी प्रदेश प्रमुख भट्टद्वारा दसैँको शुभकामना सन्देश जारी

गण्डकी प्रदेश प्रमुख डिल्लीराज भट्टले शनिबार बडादसैँका अवसरमा शुभकामना सन्देश जारी गर्दै यो पर्वले नेपालीबीच राष्ट्रिय एकता र देशभक्तिको भावना बलियो बनाउने विश्वास व्यक्त गरेका छन्। उनले बडादसैँले आपसी प्रेम, देशभक्ति, करुणा र अहिंसाको भावना अभिवृद्धि गर्ने तथा चाडपर्वको संरक्षणले राष्ट्र र राष्ट्रियताप्रति सम्मान एवं प्रेमको भावना जागृत गराउने बताए। प्रदेश प्रमुख भट्टले बडादसैँले राष्ट्र पुनर्निर्माणका लागि नयाँ जोश र जाँगर दिने पनि उल्लेख गरेका छन्।