बूढीगण्डकी प्राधिकरण विधेयकको स्वागत, ठूला जलाशययुक्त परियोजना रोक्न नहुने भट्टराईको भनाइ

पूर्वप्रधानमन्त्री डा. बाबुराम भट्टराईले राष्ट्रिय गौरवको बूढीगण्डकी परियोजना अघि बढाउन बूढीगण्डकी विकास प्राधिकरण विधेयकको सिद्धान्त स्वीकृत गर्ने सरकारको निर्णयलाई स्वागत गरेका छन् । सामाजिक सञ्जालमार्फत विचार व्यक्त गर्दै उनले भोटेकोशी, त्रिशूली र बूढीगण्डकीमा आएको हिम-चट्टान पहिरोजन्य महाविपत्तिलाई बहाना बनाएर ठूला जलाशययुक्त परियोजना बनाउनै हुन्न भन्नु हास्यास्पद भएको बताएका छन् । नेपाल समाजवादी पार्टीका अध्यक्षसमेत रहेका भट्टराईले काठमाडौंबाट यो प्रतिक्रिया दिएका हुन् ।