संखुवासभामा प्रथम मझिया स्मृति कप महिला फुटबल सुरु

संखुवासभाको मादी नगरपालिका–३, मूलखर्कमा प्रथम मझिया स्मृति कप २०८३ आमन्त्रित नौ ए साइड महिला फुटबल प्रतियोगिता शनिबारदेखि सुरु भएको छ। उद्घाटन खेलमा धरानको रेवाहाङ फेयर फुटबल क्लबले मावादिन युवा समाज विकासलाई ५–० गोलले पराजित गरेको छ। स्वर्गीय मानबहादुर जिमी ‘मझिया’को स्मृतिमा मझिया मानबहादुर जिमी स्मृति प्रतिष्ठानको आयोजनामा हुने यो प्रतियोगिताको विजेताले तीन लाख रुपैयाँ पाउनेछ।