कार्यवाहक प्रमुख सुनिता डंगोल: हेरिटेज रन काठमाडौंको संस्कृति र सम्पदासँग जोडिने अवसर

काठमाडौं महानगरपालिकाकी कार्यवाहक प्रमुख सुनिता डंगोलले ‘हेरिटेज रन’ केवल दौड प्रतियोगिता मात्र नभई काठमाडौंको संस्कृति, सम्पदा र जनजीवनसँग जोडिने अवसर भएको बताएकी छिन्। महानगरपालिकाद्वारा आयोजित सो कार्यक्रममा बोल्दै उनले काठमाडौंका ऐतिहासिक गल्ली र सम्पदाहरू केवल भौतिक संरचना मात्र नभई यहाँको विशिष्ट जीवनशैली भएको बताइन्। यसलाई दौडिएर मात्र नभई गहिरोसँग महसुस गरेर अपनत्व लिनुपर्ने उनको भनाइ छ। नागरिक, सम्पदा र संस्कृतिलाई केन्द्रमा राखेर महानगरले आफ्ना कार्यक्रमहरू अघि बढाइरहेको पनि उनले जानकारी दिइन्।