हेटौँडामा पाँचदिने निःशुल्क योग विज्ञान शिविर हुने

मकवानपुरको हेटौँडामा कात्तिक १३ गतेदेखि १७ गतेसम्म पाँचदिने निःशुल्क बृहत् योग विज्ञान शिविर सञ्चालन हुने भएको छ। पतन्जली योग हेटौँडा ७ नम्बर वडा समितिको आयोजनामा हुने उक्त शिविरलाई हेटौँडा उपमहानगरपालिका–७ नम्बर वडा कार्यालयले आर्थिक सहयोग गर्नेछ। शिविर संयोजक राम प्रसाद दाहालका अनुसार सहभागीलाई योगाभ्यास, प्राणायाम तथा स्वस्थ जीवनशैलीसम्बन्धी प्रशिक्षण दिइनेछ। नसर्ने रोगको न्यूनीकरण र स्वस्थ जीवनशैली प्रवर्धन गर्ने उद्देश्यले शिविर आयोजना गरिएको हो।