डा गोविन्द केसीसँगको सम्झौता कार्यान्वयन गरिँदैछ : शिक्षा मन्त्रालय

शिक्षा, विज्ञान तथा प्रविधि मन्त्रालयले प्रा डा गोविन्द केसीसँग विभिन्न समयमा भएका सम्झौता कार्यान्वयनका लागि कार्यदल गठन गरी आवश्यक प्रक्रिया अघि बढाएको जनाएको छ। चिकित्सा शिक्षाको गुणस्तर सुधार, पहुँच विस्तार र समस्या समाधानका लागि कानुनी तथा संस्थागत सुधारलाई प्राथमिकताका साथ अघि बढाइएको मन्त्रालयले जनाएको छ। राष्ट्रिय चिकित्सा शिक्षा ऐन जारी, चिकित्सा शिक्षा आयोग गठन र छात्रवृत्ति व्यवस्थापनलाई मन्त्रालयले प्रगतिका रूपमा उल्लेख गरेको छ। मन्त्रालयले चिकित्सा शिक्षा सुधारमा डा केसीको योगदानको पनि सम्मान गरेको छ।