दार्चुलामा तीनदिने अपि हिमाल पर्यटन महोत्सव २०८३ सुरु

दार्चुलाको अपि हिमाल गाउँपालिका–१ स्थित अपि हिमाल आधार शिविर क्षेत्रको पिल्काँडमा तीनदिने अपि हिमाल पर्यटन महोत्सव २०८३ मंसिर ३ गते सुरु भएको छ। अपि हिमाल क्षेत्रको पर्यटन प्रवर्द्धन गर्ने उद्देश्यले अपि हिमाल गाउँपालिकाले यो महोत्सव आयोजना गरेको हो। महोत्सवमा हिमाली भूदृश्य, ताल, गुफा, लेकाली चरन क्षेत्र तथा सांस्कृतिक सम्पदाको प्रचारप्रसार गरिनेछ। यसले स्वदेशी तथा विदेशी पर्यटकमाझ दुर्गम यस क्षेत्रको परिचय बढाउने अपेक्षा गरिएको छ।