माधव नेपालको कम्युनिस्ट एकता र निर्वाचन तयारीको आह्वान

नेपाली कम्युनिस्ट पार्टीका सहसंयोजक माधवकुमार नेपालले नेकपा (एमाले)मा असन्तुष्ट नेता तथा कार्यकर्तालाई एकता प्रक्रियामा सामेल हुन आह्वान गरेका छन्। मंगलबार काठमाडौंमा आयोजित नेपाली कम्युनिष्ट पार्टी र नेपाल कम्युनिष्ट पार्टीबीचको पार्टी एकता घोषणा कार्यक्रममा बोल्दै उनले नेकपा (एमाले) व्यक्ति विशेषले कब्जा गरेको टिप्पणी गरे। उनले पार्टी एकीकरण तथा संगठनात्मक समायोजनको काम पूर्ण गरेर तत्काल निर्वाचनको तयारीमा जुट्न नेता तथा कार्यकर्तालाई निर्देशन दिए। सहसंयोजक नेपालले कम्युनिस्ट आन्दोलनप्रति आकर्षण बढ्दै गएको भन्दै बृहत्तर कम्युनिस्ट एकता र ध्रुवीकरणमा आउन अपिल गरे।