युवा जलवायु सम्मेलन विपद् न्यूनीकरणको आधार बन्नुपर्छ : मन्त्री कल्याणी खड्का

कर्णाली प्रदेश सरकारका प्रवक्ता एवं उद्योग, पर्यटन, वन तथा वातावरणमन्त्री कल्याणी खड्काले प्रदेशस्तरीय 'युवा जलवायु सम्मेलन' विपद् न्यूनीकरणको आधार बन्नुपर्ने बताएकी छन् । कर्णाली प्रदेश सरकारको उद्योग, पर्यटन, वन तथा वातावरण मन्त्रालयको समन्वयमा आयोजित उक्त सम्मेलनमा उनले यस्तो धारणा राखेकी हुन् । सम्मेलनलाई सेभ द चिल्ड्रेनको आर्थिक सहयोग रहेको थियो भने कर्णाली एकीकृत ग्रामीण विकास तथा अनुसन्धान केन्द्र (किर्डाक) नेपाल, पाँचतारा युवा संरक्षण मञ्च जाजरकोटलगायत संस्थाको सहभागिता थियो ।