छठमा जातीय विभेद र छुट्टै घाट नबनाउन मन्त्रालयको आग्रह

महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयले छठ पर्वका अवसरमा जातीय विभेद तथा छुवाछुतजन्य गतिविधि नगर्न आग्रह गरेको छ। मन्त्रालयले दलित समुदायका लागि छुट्टै छठ घाट निर्माण गर्न वा गर्न लगाउने जस्ता विभेदकारी अभ्यास नगर्न पनि सम्बन्धित सबै पक्षको ध्यानाकर्षण गराएको छ। साथै सबै समुदायको समान सहभागिता सुनिश्चित गर्न आग्रह गरिएको छ।