इनम सापकोटा मोबाइल प्रकरणमा सत्ताको दुरुपयोग भएको पद्मा अर्यालको आरोप

नेकपा (एमाले) संसदीय दलकी उपनेता पद्मा अर्यालले इनम सापकोटा मोबाइल प्रकरणमा सत्ताको चरम दुरुपयोग भएको आरोप लगाएकी छन्। बिहीबार काठमाडौंमा सञ्चारकर्मीहरूसँग कुरा गर्दै उनले प्रहरी अनुसन्धानमा रहेका व्यक्तिको मोबाइल दुई दिनसम्म प्रधानमन्त्रीका सल्लाहकारको निजी निवासमा रहनु गम्भीर विषय भएको र प्रमाण नष्ट हुने आशङ्का देखिएको बताइन्। सुशासनको नारा दिएर आएको सरकार आफैँ कानुनी र नैतिक प्रश्नको घेरामा परेको उनको भनाइ छ।