निर्वाचन आयोगलाई प्रविधिमैत्री र विश्वसनीय बनाउन सांसद वर्षमान पुनको जोड

नेपाली कम्युनिष्ट पार्टीका सांसद वर्षमान पुनले निर्वाचन आयोगलाई आधुनिकीकरण गर्दै प्रविधिमैत्री बनाउनुपर्नेमा जोड दिएका छन्। मंगलबार संसदीय सुनुवाइ समितिमा प्रस्तावित निर्वाचन आयुक्त डा. राजीव सुब्बाको सुनुवाइका क्रममा उनले प्रविधिको दुरुपयोग र भ्रामक सूचना रोक्नु मुख्य चुनौती रहेको बताए। सांसद पुनले सुब्बाको सूचना प्रविधि क्षेत्रको विज्ञतालाई निर्वाचन प्रणालीको विश्वसनीयता बढाउन प्रयोग गर्न सुझाव दिएका छन्।