एमाले अध्यक्ष ओलीले नेता जेबी घिमिरेको निधनप्रति दुःख व्यक्त गरे

नेकपा (एमाले) का अध्यक्ष केपी शर्मा ओलीले पार्टीको कोशी प्रदेश कमिटी सचिवालय सदस्य तथा सङ्खुवासभा जिल्ला कमिटीका पूर्वअध्यक्ष जेबी घिमिरेको निधनप्रति दुःख व्यक्त गरेका छन्। ओलीले शुक्रबार शोक वक्तव्य जारी गर्दै २०४७ सालदेखि पार्टी सङ्गठन निर्माणमा निरन्तर सक्रिय रही शिक्षा र समाजसेवामा अमूल्य योगदान पुर्‍याएका घिमिरेको निधनको सम्झना गरेका छन्। एमालेले घिमिरेको निधनबाट पार्टी र सङ्खुवासभाको समाजलाई अपूरणीय क्षति पुगेको जनाएको छ।