नेपालमा लैङ्गिक उत्तरदायी बजेटसम्बन्धी अध्ययन प्रतिवेदन सार्वजनिक

नेपालमा लैङ्गिक उत्तरदायी बजेट (जीआरबी) लाई अझै पनि धेरै स्थानीय तहहरूले 'महिला लक्षित बजेट' का रूपमा मात्र बुझ्ने गरेको एक अध्ययनले देखाएको छ। एक्सनएड अन्तर्राष्ट्रिय नेपालले चितवन सक्रिय महिला प्रतिष्ठान र मकवानपुर महिला उत्थान समाजसँगको सहकार्यमा मंगलबार सो अध्ययन प्रतिवेदन सार्वजनिक गरेको हो। प्रतिवेदनले लैङ्गिक उत्तरदायी बजेट केवल महिलाका लागि मात्र नभई लैङ्गिक समानता र महिला अधिकार प्रवर्द्धन गर्ने बृहत्तर संयन्त्र भएको स्पष्ट पारेको छ। यसले स्थानीय सरकारहरूमा लैङ्गिक संवेदनशील वित्तीय योजनाको कार्यान्वयनमा सुधार ल्याउने लक्ष्य राखेको छ।

Summary by Jayaman