शुक्लाफाँटा राष्ट्रिय निकुञ्जमा बाघको आक्रमणबाट चार जना घाइते

कञ्चनपुरको शुक्लाफाँटा राष्ट्रिय निकुञ्ज क्षेत्रभित्र मङ्गलबार साँझ बाघको आक्रमणबाट एक नाबालकसहित चार जना घाइते भएका छन्। महेन्द्रनगरबाट बेलडाँडीतर्फ जाँदै गरेको मोटरसाइकललाई निकुञ्जको हुलाकी सडकखण्ड अन्तर्गत कालिकिच नजिकै बाघले आक्रमण गरेको थियो। जिल्ला प्रहरी कार्यालय कञ्चनपुरका अनुसार बाघको आक्रमणपछि मोटरसाइकल अनियन्त्रित भई दुर्घटना हुँदा वीरेन्द्र ठगुन्ना र कल्पना ठगुन्नासहित चारै जना घाइते भएका हुन्। घाइतेहरूको स्थानीय अस्पतालमा उपचार भइरहेको छ।

Summary by Jayaman