म्याग्दीको खबरामा केराको बोट सुक्न थालेपछि व्यावसायिक किसान चिन्तित

म्याग्दीको बेनी नगरपालिका-२, खबराका व्यावसायिक केरा खेती गर्ने किसानहरू बोट सुक्न थालेपछि चिन्तित बनेका छन्। खबराका करिब १२० परिवारमध्ये १०० भन्दा बढी कृषकहरूका लागि केरा खेती नै मुख्य आयस्रोत हो। स्थानीय अगुवा किसान सोवित शर्माका अनुसार पसाउने समयमा पात पहेँलो हुने र गाना कालो भएर बोट सुक्ने समस्या देखिएको छ। यस समस्याले गर्दा स्थानीय कृषकहरूको जीविकोपार्जनमा ठूलो असर पुग्ने देखिएको छ।