कञ्चनपुरको खल्ला मसेटीमा निःशुल्क स्वास्थ्य शिविर सम्पन्न

कञ्चनपुरको भीमदत्त नगरपालिका–९ स्थित विकट बस्ती खल्ला मसेटीमा आइतबार निःशुल्क स्वास्थ्य शिविर सम्पन्न भएको छ। महेन्द्रनगरस्थित महाकाली बहुप्राविधिक शिक्षालयले आफ्नो सामाजिक उत्तरदायित्व अन्तर्गत आयोजना गरेको यस शिविरबाट ९३ जना स्थानीय बासिन्दा लाभान्वित भएका छन्। शिविरमा करिब एक लाख रुपैयाँ बराबरको औषधिसहित स्वास्थ्य सेवा निःशुल्क वितरण गरिएको शिक्षालयका निर्देशक प्रमल साउदले जानकारी दिनुभयो।