ग्रीन फाइनान्स ट्याक्सोनोमीलाई राष्ट्रिय मान्यता दिन राष्ट्र बैंकको आग्रह

नेपाल राष्ट्र बैंकका कार्यकारी निर्देशक गुरुप्रसाद पौडेलले 'ग्रीन फाइनान्स ट्याक्सोनोमी' लाई राष्ट्रिय मान्यता दिन सरकारसँग आग्रह गरेका छन्। काठमाडौँमा आयोजित एक कार्यक्रममा बोल्दै पौडेलले कृषिमा लगानी गर्दैमा स्वतः 'ग्रीन' नहुने भएकाले यसमा नीतिगत स्पष्टता आवश्यक रहेको बताए। उनले अन्तर्राष्ट्रिय जलवायु कोष र सहुलियतपूर्ण वित्तीय स्रोत परिचालनका लागि यस ट्याक्सोनोमीलाई आधिकारिकता दिनु पर्नेमा जोड दिए।