एआईको बढ्दो प्रयोगले ऊर्जा र पानीको संकट निम्त्याउन सक्छ: सुरेन्द्र पाण्डे

नेकपा (एमाले) का नेता तथा पूर्वअर्थमन्त्री सुरेन्द्र पाण्डेले आर्टिफिसियल इन्टेलिजेन्स (एआई) को बढ्दो प्रयोगले विश्वव्यापी रूपमा ऊर्जा र पानीको चरम सङ्कट निम्त्याउन सक्ने चेतावनी दिएका छन्। काठमाडौँमा आयोजित एक कार्यक्रममा बोल्दै उनले यस प्रविधिका कारण सिर्जना हुने वातावरणीय चुनौतीहरूलाई सम्बोधन गर्न नीतिगत व्यवस्था आवश्यक रहेकोमा जोड दिए। पाण्डेले एआईका लागि आवश्यक उच्च स्रोत र साधनले विश्वव्यापी दिगोपनमा जोखिम पुऱ्याउन सक्ने बताए।