म्याग्दीको मसारमा नदी नियन्त्रण योजना समयअगावै सम्पन्न

म्याग्दीको बेनी नगरपालिका–४ सिंगा तातोपानीस्थित मसारमा नदी नियन्त्रण योजना लक्ष्यभन्दा अगावै सम्पन्न भएको छ। म्याग्दी नदीको कटान र बाढीको जोखिमबाट तातोपानी बस्तीलाई जोगाउन जलस्रोत तथा सिँचाइ व्यवस्थापन आयोजना कार्यालय पोखराले १०२ मिटर लामो 'कम्पोजिट' प्रविधिको पर्खाल निर्माण गरेको हो। आयोजनाका इन्जिनियर नरजङ गुरुङका अनुसार समयमै निर्माण सकिएपछि स्थानीय बस्ती सुरक्षित भएको छ।