महाकाली सिँचाइ आयोजनाको नहर क्षेत्रको अतिक्रमण हटाउन सात दिने अल्टिमेटम

कञ्चनपुरस्थित महाकाली सिँचाइ व्यवस्थापन कार्यालयले मूल तथा शाखा नहरको सीमाभित्र बनाइएका अवैध संरचना हटाउन सात दिने अल्टिमेटम जारी गरेको छ। आयोजनाको पहिलो र दोस्रो चरणको २० किलोमिटर क्षेत्रमा स्वीकृतिबिना घरटहरा निर्माण गर्ने, निर्माण सामग्री राख्ने र नहर पुरेर बाटो बनाउने जस्ता कार्य गरी अतिक्रमण गरिएको पाइएको छ। तोकिएको समयभित्र संरचना नहटाएमा कार्यालय आफैँले ती संरचना हटाउने र त्यसको खर्च सम्बन्धित व्यक्तिबाटै असुल गर्ने चेतावनी दिइएको छ।