दमकमा सडकको दुरावस्थाप्रति विरोध जनाउन स्थानीयले सडकमै धान रोपे

झापाको दमक नगरपालिका वडा नम्बर ९ र १० का स्थानीय बासिन्दाले जीर्ण सडकको विरोधमा सडकमै धान रोपेर प्रदर्शन गरेका छन्। वर्षौंदेखि सडक हिलाम्मे र खाल्डाखुल्डी हुँदा सास्ती खेप्नुपरेको भन्दै उनीहरूले सरकारको ध्यानाकर्षण गराउन यो कदम चालेका हुन्। वर्षायाम सुरु भएसँगै सडकको अवस्था थप नाजुक बनेपछि स्थानीयले सडकलाई नै खेतको रूपमा प्रयोग गरी विरोध जनाएका हुन्।