बाढीले क्षति पुगेको रसुवागढी जलविद्युत् आयोजनाको पुनर्निर्माण तीव्र

गत वर्ष ल्हेन्दे खोलामा आएको बाढीले क्षति पुर्याएको १११ मेगावाट क्षमताको रसुवागढी जलविद्युत् आयोजनाको पुनर्निर्माण तथा मर्मत कार्यलाई तीव्र पारिएको छ। भोटेकोशी खोलास्थित बाँध संरचनामा बाढीले क्षति पुर्याएपछि आयोजनाको विद्युत् उत्पादन प्रभावित भएको थियो। हाल बाँधस्थलमा थुप्रिएका अवरोधहरू हटाउने र मर्मत गर्ने कार्य द्रुत गतिमा अघि बढिरहेको आयोजनाले जनाएको छ।