एसईईमा जफत गरिएका मोबाइल र डाटा नष्ट नगर्न सर्वोच्चको अन्तरिम आदेश

सर्वोच्च अदालतले माध्यमिक शिक्षा परीक्षा (एसईई) का क्रममा जफत गरिएका मोबाइल फोन र त्यसमा रहेका डाटा नष्ट नगर्न गृह मन्त्रालयका नाममा अन्तरिम आदेश जारी गरेको छ। अदालतले ती विद्युतीय उपकरण र सूचनाहरू सुरक्षित राख्न निर्देशन दिएको हो। राष्ट्रिय परीक्षाका क्रममा विद्यार्थीहरूबाट खोसिएका सामग्रीहरूको व्यवस्थापनलाई लिएर परेको निवेदनमाथि सुनुवाइ गर्दै अदालतले यो आदेश दिएको हो।