उदयपुरमा सुनका गहना र नगद चोरी गरेको आरोपमा दुई जना पक्राउ

उदयपुरको त्रियुगा नगरपालिकास्थित अनिल खड्काको घरबाट सुनका गहना र नगद चोरी गरेको आरोपमा प्रहरीले दुई जनालाई पक्राउ गरेको छ। पक्राउ पर्नेमा कटारी नगरपालिकाका एक १७ वर्षीय किशोर र चोरीको सामान खरिद गरेको आरोपमा झापा दमकका ४८ वर्षीय मनोज विश्वकर्मा रहेका छन्। प्रहरीले पीडितको घरबाट चोरी भएको करिब १ लाख रुपैयाँ नगद र सुनका गरगहना बरामद गरेको छ।