हिन्दु कुश हिमालय क्षेत्रमा औसतभन्दा कम मनसुनी वर्षा हुने इसिमोडको प्रक्षेपण

अन्तर्राष्ट्रिय एकीकृत पर्वतीय विकास केन्द्र (इसिमोड) ले हिन्दु कुश हिमालय मनसुन आउटलुक २०२६ सार्वजनिक गर्दै नेपाल, भुटान, भारत र पाकिस्तानमा औसतभन्दा कम वर्षा हुने प्रक्षेपण गरेको छ। समग्र वर्षा कम हुने भए तापनि यस क्षेत्रमा औसतभन्दा बढी तापक्रम रहने र छोटो अवधिमा हुने भारी वर्षाका कारण आकस्मिक बाढी तथा पहिरोको उच्च जोखिम रहने प्रतिवेदनले चेतावनी दिएको छ। वैज्ञानिकहरूले यस मनसुन सिजनमा जलवायुजन्य प्रकोपको जोखिम र जलस्रोतमा बढ्दो चाप रहने उल्लेख गरेका छन्।