जोर्डनद्वारा इरानले प्रहार गरेका २० वटा मिसाइल आकाशमै नष्ट

जोर्डनको राष्ट्रिय सङ्कट तथा सुरक्षा व्यवस्थापन केन्द्रले बिहीबार बिहान इरानबाट प्रहार गरिएका २० वटा मिसाइलहरूलाई आकाशमै नष्ट गरेको जनाएको छ। जोर्डनको हवाई रक्षा प्रणाली र रोयल जोर्डन एयर फोर्सले ती मिसाइलहरूलाई आफ्नो आकाशमा खसालेका हुन्। क्षेत्रीय तनावका बीच इरानले प्रक्षेपण गरेका ती क्षेप्यास्त्रहरूबाट हुन सक्ने क्षति जोगाउन यो कदम चालिएको हो। अम्मान नजिकै भएको यस कारबाहीमा हालसम्म कुनै मानवीय क्षतिको विवरण प्राप्त भएको छैन।