म्याग्दीको रघुगंगा गाउँपालिकामा घट्दो विद्यार्थी संख्या मुख्य शैक्षिक चुनौती

म्याग्दीको रघुगंगा गाउँपालिकामा घट्दो विद्यार्थी संख्या मुख्य शैक्षिक चुनौतीको रूपमा देखा परेको छ। आठ वटा वडा रहेको यस गाउँपालिकामा हाल ३३ वटा सामुदायिक विद्यालयहरू सञ्चालनमा छन्, जसमा एउटा कक्षा १२ सम्म र नौ वटा कक्षा १० सम्म पठनपाठन हुने विद्यालय रहेका छन्। विद्यार्थी संख्यामा निरन्तर कमी आउन थालेपछि स्थानीय तहमा शैक्षिक संस्थाहरूको दिगोपनबारे चिन्ता बढेको छ।