म्याग्दीको मङ्गलेखानीमा स्थानीयको सक्रियतामा खेलमैदान निर्माण

म्याग्दीको रघुगङ्गा गाउँपालिका–८ मङ्गलेखानीमा स्थानीय खेलप्रेमीहरूको सक्रियता र आर्थिक सहयोगमा खेलमैदान निर्माण गरिएको छ। गाउँपालिकाले विनियोजन गरेको १० लाख रुपैयाँ बजेटमा स्थानीयले थप ३४ लाख रुपैयाँभन्दा बढी चन्दा सङ्कलन गरी कुल ४४ लाख ३० हजार रुपैयाँको लागतमा मैदान तयार पारेका हुन्। श्रीकृष्ण युवा क्लबको अगुवाइमा सम्पन्न भएको यस निर्माण कार्यको नेतृत्व उपभोक्ता समिति अध्यक्ष फमान छन्त्यालले गर्नुभएको थियो।