बाजुराको लाम्पाटा पुग्यो सशस्त्र प्रहरीको टोली, अस्थायी सुरक्षा बेस स्थापना गरिँदै

बाजुरा र हुम्लाको सीमा क्षेत्रमा पर्ने लाम्पाटामा सशस्त्र प्रहरी बलको टोली शनिबार पुगेको छ। जेठ २७ गते त्यसतर्फ प्रस्थान गरेको उक्त टोलीले सो स्थानमा अस्थायी सुरक्षा बेस स्थापना गर्ने तयारी सुरु गरेको छ। सशस्त्र प्रहरीका सह-प्रवक्ता डीएसपी शैलेन्द्र थापाका अनुसार यस टोलीलाई सशस्त्र प्रहरी बल नेपाल प्रधान कार्यालयबाटै आवश्यक निर्देशन र समन्वय गरिनेछ।