श्रम अधिकार र सेवा-सुविधाको माग गर्दै माइतीघरमा प्रशिक्षार्थी चिकित्सकहरूको प्रदर्शन

प्रशिक्षार्थी चिकित्सकहरूले आफ्नो श्रम अधिकार, सेवा-सुविधा र कार्यस्थलको अवस्था सुधार गर्न माग गर्दै शुक्रबार काठमाडौंको माइतीघर मण्डलामा प्रदर्शन गरेका छन्। 'जेन-जी सरकार, जेन-जी डाक्टरलाई न्याय दे' भन्ने नाराका साथ उनीहरूले चिकित्सा शिक्षा आयोग र नेपाल मेडिकल काउन्सिलको ध्यानाकर्षण गराउँदै सात बुँदे माग सार्वजनिक गरेका हुन्। प्रदर्शनकारीहरूले इन्टर्न चिकित्सकहरूको उचित पारिश्रमिक र कार्यस्थलमा सुरक्षाको सुनिश्चितता हुनुपर्ने माग राखेका छन्।